दुई दिनदेखि भन्सार विभागको 'सिस्टम' नचल्दा सेवाग्राही मर्कामा

काठमाडौँ-  भन्सार विभागको सिस्टम नचल्दा सेवाग्राहीले विदेशबाट आएका सामग्रीहरू दुई दिनदेखि पाएका छैनन् । डिल्लीबजारस्थित त्रिभुवन विमानस्थल भन्सार कार्यालय वैदेशिक हुलाक शाखामा पुगेका सेवाग्राहीले पार्सल नपाएको गुनासो गरेका छन् ।

विभागको सिष्टम नचल्दा विभिन्न मुलुकबाट आएका पार्सलहरू सेवाग्राहीले लिन नपाएको त्रिभुवन विमानस्थल भन्सार कार्यालयका प्रवक्ता शान्तिराम निरौलाले  इकागजलाई जानकारी दिए । भन्सार विभागको सिस्टम नचल्दा सबै क्षेत्रमा समस्या भइरहेको उनले बताए ।

---

उनका अनुसार तीनदेखि चार सय पार्सल कार्यालयमा रहेका छन् । सिस्टम चल्नसाथ यसको समाधान भइहाल्छन् ।

‘त्रिपुरेश्वर एरियामा नेट बिग्रेकाले पनि सिस्टममा समस्या आएको हुन सक्छ,’ उनले भने,’ विभागले निरन्तर सिस्टम बनाउन लागिरहेको छ ।‘

भन्सार विभागको सिस्टम नचल्दा मुलुकभर समस्या भएको प्रवक्ता निरौलाको भनाइ छ ।