एक अंकले बढ्यो नेप्से

काठमाडौँ : सेयर बजार मापन गर्ने नेप्से परिसूचक एक दशमलव ०१ अंकले बढेको छ । ० दशमलव ०४ प्रतिशतले बढेर नेप्से २८७२.०५ बिन्दुमा पुगेको हो । 

क वर्गका कम्पनीहरू सेयर मूल्य मापन गर्ने सेन्सिटिभ परिसूचक ० दशमलव १४ अंकले घटेको छ । ० दशमलव ०३ प्रतिशतले घटेको हो । बैंकिङ समूहको परिसूचक ६ दशमलव २२ अंकले घटेको छ । कारोबारमा आएका आठ समूहका परिसूचक घटेका छन् । 

---

हिमालयन पावर पार्टनरको सेयर मूल्य आठ दशमलव १० प्रतिशतले बढेको छ । सबैभन्दा बढी सेयर कारोबार गुर्खाज फाइनान्सको छ । २९ करोड रुपैयाँ बराबर सेयर किनबेच भएको छ ।

५० हजार पाँच सय ९१ पटकको कारोबारमा चार करोड ४७ लाख ३६ हजार पाँच सय ३० कित्ता सेयर किनबेच भएको छ । कुल सेयर कारोबार पाँच अर्ब ६५ करोड ४५ लाख रुपैयाँ सेयर कारोबार भएको छ । योसँगै बजार पुँजीकरण ३९ खर्ब ९५ अर्ब रुपैयाँ छ ।