३२०० अंक नजिक पुग्यो नेप्से, नौ कम्पनीको भाउ आकासियो

काठमाडौँ - सेयर बजार मापक नेप्से परिसूचक ३८.२८ अंकले बढेर ऐतिहासिक उचाइमा पुगेको छ । ३२०० अंकलाई दुई अंक अपुग भएर नेप्से कारोबार बन्द भएको छ । १.२१ प्रतिशतले बढेर नेप्से परिसूचक ३२९८.६० बिन्दुमा पुगेको हो । 

ट्रेडिङ र म्युचुअल फन्डबाहेक सबै समूहका परिसूचक बलिया छन् । विकास बैंक समूहको परिसूचक पाँच दशमलव ५५ प्रतिशतले बढेको छ भने फाइनान्स समूहको परिसूचक चार दशमलव ८७ प्रतिशतले बढेको छ । 

नौ कम्पनीको सेयर मूल्यमा उच्च वृद्धि भएको छ । २१ अर्ब ३१ करोड रुपैयाँ बराबर सेयर किनबेच भएको छ । एक लाख ८८ हजार चार सय ५४ पटकको किनबेचमा तीन करोड ६५ लाख कित्ता सेयर कारोबार भएको छ । 

---