सेजनको अध्यक्षमा जनार्दन बराल विजयी

काठमाडौँ : आर्थिक पत्रकार समाज (सेजन)को अध्यक्षमा जनार्दन बराल विजयी भएका छन् । नयाँ कार्यसमितिका लागि शुक्रबार भएको चुनावमा प्रत्यासी आशिष ज्ञवाली र शिरोमणि ढुंगानालाई हराउँदै ११४ मत ल्याएर बराल अध्यक्षमा विजयी भएका हुन् । पराजित भएका ज्ञवालीले ८० र ढुंगानाले ४८ मत ल्याए ।

यस्तै उपाध्यक्षमा सुजन ओली र महासचिवमा भागवत भट्टराई विजयी भएका छन् । सचिवमा हिमाल पौडेल र कोषाध्यक्षमा लक्ष्मी सापकोटा विजयी भएकी छन् । यस्तै सदस्यमा अच्युत पुरी, इशारा कोइराला, शोभित थपलिया, अमर बडुवाल र सिबी अधिकारी विजयी भएका छन् ।

---