'डाउन' भएको ६ घण्टापछि चल्न थाल्यो फेसबुक

काठमाडौँ- विश्वभर  'डाउन' भएको फेसबुक, ह्वाट्सएप र इन्स्टाग्रामको समस्या करिब ६ घण्टापछि समाधान भएको छ । यो हालसम्मकै धेरै समय डाउन भएको डाउनडिटेक्टरले जनाएको छ । डाउनडिटेक्टरका अनुसार फेसबुकले सन् २००८ पछि हालसम्मकै ठूलो अवरोधको सामना गरेको हो । सोमबार करिब साढे ९ देखि फेसबुकमा इन्टाग्राम, म्यासेजिङ एपहरू ह्वाट्सएप र म्यासेन्जर समस्या आएको थियो ।

यसले विश्वभरका करिब दुई अर्ब ७० करोड प्रयोगकर्ताहरू प्रभावित भएका थिए । आज बिहान ५:३० बजे फेसबुकमा स्टाटस राख्दै कम्पनीका सीईओ मार्क जुकर्बगले सेवा अवरुद्धको लागि माफी माग्दै सेवा सुचारु भएको जनाएका छन् । फेसबुक नचलेपछि प्रयोगकर्ताहरू ट्वीटरमा फेसबुक डाउन भएको भन्दै ट्वीट गरेका थिए ।

---