युनिलिभर नेपालले बोलायो साधारणसभा, ६५० रुपैयाँ प्रति सेयर लाभांश बाँड्ने

काठमाडौँ - बहुराष्ट्रिय कम्पनी युनिलिभर नेपालले कात्तिक ११ मा वार्षिक साधारणसभा बोलाएको छ । 

यस अघि कम्पनीले १०० रुपैयाँ प्रति सेयर लाभांश दिएको थियो । कम्पनीले असोज २५ गते बुकक्लोज मिति तय गरेको छ। कम्पनीले गत आर्थिक वर्ष खुद नाफा उच्च दरले बढाएको थियो। कम्पनीले ८५ करोड ४१ लाख रुपैयाँ नाफा गरेको थियो।

---

साधारणसभाले सर्वसाधारण सञ्चालकको चयन गर्ने तथा प्रबन्ध सञ्चालक र नयाँ लेखा परीक्षकको पारिश्रमिक अनुमोदन गर्ने प्रस्ताव छ ।

अघिल्लो वर्ष कम्पनीको नाफा ३५ करोड ८० लाखमा खुम्चिएको थियो। त्यसको तुलनामा हालको नाफा १३८.५७ प्रतिशतले बढी हो। कम्पनीले मालसामान बेचेर कुल ५ अर्ब ७२ करोड रुपैयाँ आम्दानी गरेको थियो। आम्दानी ३ प्रतिशतले मात्र बढेको थियो।