विनोद चौधरीलाई दोस्रोपटक कोरोना संक्रमण

काठमाडौँ– उद्योगपति एवं प्रतिनिधि सभा सदस्य विनोद चौधरीलाई दोस्रोपटक कोभिड–१९ संक्रमण भएको छ । उनलाई यसै साताको सुरुवाततिर कोभिड–१९ संक्रमण पुष्टी भएको पारिवारिक स्रोतले बताएको छ । 

चौधरीको स्वास्थ्य अवस्था सामान्य रहेको बताइएको छ । उनलाई गत वर्ष असोज महिनामा पनि कोभिड–१९ संक्रमण भएको थियो । त्यसपछि उनले कोभिड–१९ विरुद्धको दुवै मात्रा खोप लगाइसकेका थिए । गत वर्ष कोभिड–१९ संक्रमणमुक्त भएपछि उनले सबैलाई सुरक्षित रहन भिडीयो सन्देश दिएका थिए । चौधरीले दोस्रो पटक संक्रमण भएको सम्बन्धमा भने समाजिक सञ्जालमा खुलाएका छैनन् । 

---

कोरोनाबारे धेरैमा धेरैखाले जिज्ञासा र संशय रहेको पाएँ । म आफैं कोरोना संक्रमणबाट गुज्रिसकेको हुँदा अरूलाई पनि सहयोग पुगोस् भनेर केही समयअघि भिडियोमार्फत आफ्ना कुरा राखेको थिएँ । आशा छ, यसले संक्रमितहरूलाई थोरै भए पनि हौसला दिनेछ । उहाँहरूको शीघ्र स्वास्थ्यलाभको कामना पनि गर्दछु ! pic.twitter.com/vxmauzY11A

— Binod Chaudhary (@BinodKChaudhary) September 23, 2020