सहकारीका माध्यमबाट जनताको जीवनस्तर उकास्नुपर्छ : ऊर्जामन्त्री भुसाल

ललितपुर - ऊर्जा, जलस्रोत तथा सिँचाइमन्त्री पम्फा भुसालले सहकारीका माध्यमबाट जनताको जीवनस्तर उकास्न सकिने बताएकी छन् । सरकारले आर्थिक, सामाजिक न्याय तथा गरिबी न्यूनीकरणका लागि सार्वजनिक, निजी र सहकारीसहित तीन खम्बे अर्थनीति अवलम्बन गरेको उल्लेख गर्दै मन्त्री भुसालले सहकारी क्षेत्रले आर्थिकरूपमा विपन्न परिवारलाई सहयोग गर्नुपर्नेमा जोड दिइन् । 

‘सहकारीका माध्यमबाट आर्थिक सशक्तीकरण गर्नुपर्छ, सामाजिक न्यायमा आधारित समतामूलक समाज निर्माणमा यस क्षेत्रले भूमिका खेल्नुपर्छ,’ ललितपुरको प्रतिभा बहुउद्देश्यीय सहकारी संस्था लिमिटेडको २१औं वार्षिक साधारसभाको उद्घाटन गर्दै मन्त्री भुसालले भनिन् । सहकारीले गरिब परिवारलाई सीप र रोजगारी उपलब्ध गराएर जीवनस्तर माथि उठाउनुपर्नेमा उनले जोड दिइन् । 

---

आर्थिक अधिकारमा महिलाको समान पहुँच नभएको भन्दै उनले विगतमा अधिकारका लागि संघर्ष गरेको र अब अधिकार कार्यान्वयनका लागि संघर्ष गर्नुपर्ने समय आएको धारणा राखिन् ।