धनगढीको मेनरोडमा तिहारका लागि किनमेल गर्नेको भीड

धनगढी - धनगढीको मेनरोडमा तिहारका लागि किनमेल गर्नेको भीड देखिएको छ । कोभिड संक्रमणको जोखिम कम भएकाले अघिल्ला दुई वर्षको तुलनामा यो वर्ष चाडपर्वको समयमा बजारमा सर्वसाधारणको भीड देखिएको हाे ।

---

बजारमा प्राकृतिक सयपत्री, मखमली फूलभन्दा पनि प्लास्टिका कृत्रिम फूलहरू बिक्रीका लागि राखिएको देखिएको छ । फूलका साथै माटोबाट बनेका दियो, लक्ष्मी देवताका फोटाहरू, इलेक्ट्रोनिक्स झिलिमिली बत्ती, भाइ मसलालगायतका सामग्री बिक्रीका लागि राखिएको छ । चाडपर्व नजिकिएसँगै हुनसक्ने अपराधका घटनालाई मध्यनजर गर्दै स्थानीय प्रशासनले बजारमा प्रहरी जनशक्ति परिचालन गरेको देखिएको छ ।