काठमाडौंः नेपाल स्टक एक्स्चेन्ज (नेप्से) परिसूचक ४९.१७ अंक अर्थात् २.४४ प्रतिशतले बढेर २,०६२.०६ बिन्दूमा पुगेको छ । यो साता आइतबार र मंगलबार सेयर बजार करेक्सन भयो भने सोमबार र बुधबार (आज) बजार बढेको छ । 

धितोपत्र बोर्डले सेयर ब्रोकरको कमिसन शुक्रबार घटाएपछि ब्रोकहरूले अस्वभाविक प्रतिक्रिया जनाए । जसको कारण आइतबार बजार ३९.९ अंकले घटेको थियो । त्यसयता कारोबार रकम र कारोबार संख्यामा उल्लेख्य कमी आएकोमा बुधबार त्यो क्रम सुधार भएको छ । बुधबार होटल र विकास बैंक समूह बाहेक सबै समूहका परिसूचकमा हरियाली छाएको छ । कारोबार रकम र कारोबार संख्या पनि बढेको छ । 

---

आज साल्ट ट्रेडिङ कर्पोरेसनको सेयर मूल्यमा सर्किट ब्रेक लागेको छ । आज एकै दिन साल्ट ट्रेडिङको सेयर मूल्य एकै दिन ५१९ रुपैयाँले बढेर ५,७१० रुपैयाँ पुगेको छ । यसबाहेक नागरिक लगानी कोष, हिमालयन डिस्टिलरी, एभरेष्ट बैंक लिमिटेड, मल्टिपर्पोस फाइनान्स, शिवम् सिमेन्ट लगायतको सेयर मूल्य बढेको छ । 
ब्रोकरको कमिसन घटेपछि लगानीकर्ता उत्साहीत भएर सेयर किनबेच बढ्ने अनुमान गरिएकोमा अस्वभाविक रूपमा कारोबार संख्या नै घटेको थियो । बुधबार भने कारोबार रकम र कारोबार संख्या पनि बढेको छ । 

बुधबार नेप्सेमा २०८ कम्पनीका ४ अअर्ब ४४ करोड ६२ लाख रुपैयाँ मूल्यका ९९ लाख १० हजार तीन कित्ता सेयर ३९ हजार नौ सय ३५ वटा कारोबारमार्फत् किनबेच भएको छ । 

मिति	नेप्से परिसूचक	कारोबार
पुस १, बुधबार	२०५५.२२	५ अर्ब १४ करोड
पुस २, बिहीबार	२०३२.५१	६ अर्ब ७६ करोड
पुस ५, आइतबार	१९३५.६३	९ अर्ब ४ करोड
पुस ६, सोमबार	१९६५.९६	६ अर्ब ६९ करोड
पुस ७, मंगलबार	२०६१.४१	६ अर्ब ७४ करोड
पुस ८, बुधबार	२०६८.५६	६ अर्ब ८६ करोड
पुस ९, बिहीवार	२०३८.६३	५ अर्ब ३६ करोड
पुस १२, आइतबार	१९९८.६५	४ अर्ब ५९ करोड
पुस १३, सोमबार	२०१२.८९	४ अर्ब ९ करोड
पुस १४, मंगलबार	२००७.२९	३ अर्ब ८५ करोड
पुस १५, बुधबार	२,०६२.०६	४ अर्ब ४५ करोड