नक्कली भ्याट बील प्रयोग गरी १ अर्ब ३४ करोड छली

काठमाडौं : नक्कली भ्याट बील प्रयोग गरी १ अर्ब ३४ करोड रुपैयाँ कर छली गर्ने दुई कम्पनीविरुध्द राजस्व अनुसन्धान विभागले मुद्दा दायर गरेको छ । विभागले जरिवाना र कैद सजाय समेत हुन मागदावीसहित पाटन उच्च अदालतमा मुद्दा दर्ता गरेको हो ।

मुद्दा चलाइएकामध्ये बाराको सिमरा पिपरा वडा नम्वर १ को न्यू सयपत्री ईन्टरप्राईजेज प्रोप्राईटर विवेक मगर समेत १३ वटा फर्मका सञ्‍चालक, प्रोप्रईटरहरू तथा मुख्य कारोवारी मनिष कुमार समेत १५ जना छन् । उनीहरूले एक अर्ब २२ करोड २० लाख रुपैयाँ छली गरेको खुलेको छ । उनीहरूविरुद्ध पुस २२ मा मुद्दा दायर भएको छ ।

---

त्यस्तै सर्लाहीको बलरा गाउँपालिका वडा नं २ को संकित जेनेरल सप्लायर्स प्रा.लि. सञ्‍चालक सुवोध साह छन् । उनले  १२ करोड ७५ लाख रुपैयाँ छली गरेका हुन् । साहविरुध्द  पुस २४ गते मुद्दा दायर भएको विभागले जानकारी दिएको छ ।