डाटा ट्रान्स्फर सम्झौता नभए युरोपमा फेसबुक तथा इन्स्टाग्राम बन्द गर्ने मेटाको चेतावनी

काठमाडौँ - फेसबुक कम्पनी मेटालेले युरोपबाट आफ्नो सामाजिक सञ्जाल फेसबुक र इन्स्टाग्राम बन्द गर्नसक्ने चेतावनी दिएको छ । फेसबुक र इन्स्टाग्राम प्रयोगकर्ताहरूको डाटा युरोपबाहिर ट्रान्सफर गर्न नपाए युरोपमा फेसबुक र इन्स्टाग्राम दुवै बन्द गर्ने चेतावनी दिएको हो ।

फेसबुकले अमेरिकाको सेक्युरिटी एण्ड एक्सचेन्ज कमिसनमा एक रिपोर्ट बुझाउँदै डाटाको ट्रान्सफर गर्न पाउनुपर्ने माग गरेको हो । युरोप र अमेरिकामा आफ्नो प्रयोगकर्ताको डाटा गर्नु कम्पनीको व्यवसायको लागि र यसको विज्ञापन लक्षित व्यवसायका लागि पनि महत्त्वपूर्ण रहेको मेटाले सो रिपोर्टमा दाबी गरेको छ ।

---

युरोपियन युनियनको कानुनले आफ्ना नागरिकको डेटा युरोपमा अव्यवस्थित सर्भरहरू बाहेक अन्त प्रयोग पाइदैंन । युरोपियन मुलुकहरूले सन २०१८ मा डाटा सुरक्षाको कानुन ल्याएर लागू गरेका थिए । यसले फेसबुक तथा गुगल लगायतका कम्पनीलाई विज्ञापनको क्षेत्रमा निकै असर परेको बताइन्छ । केही समयअघि अमेरिका र युरोपबीचमा भएको पछिल्लो डाटा ट्रान्सफरसम्बन्धी सम्झौताले समेत फेसबुकलाई तनाव दिएको हो ।  नयाँ कानुन बनेर डाटा ट्रान्फर लगायतका समस्या समाधान हुने मेटाले जनाएको छ ।