चार लघुवित्तको सेयरमा सकारात्मक सर्किट

काठमाडौं : आइतबारको नेप्से कारोबारमा चार वटा लघुवित्त वित्तीय संस्थाहरूको सेयर मुल्यमा सकारात्मक सर्किट लागेको छ । १० प्रतिशतले मुल्यवृद्धि भएर ती कम्पनीको कारोबार रोकिएको हो ।

मेरो माइक्रोफाइनान्स लघुवित्त, गणपति लघुवित्त, आरएसडीसी लघुवित्त र डेप्रोस्क लघुवित्तको सेयर मुल्यमा उच्चदरमा वृद्धि आएपछि कारोबार रोकिएको छ । एक सय ६ अंकले बढेको मेरो माइक्रोफाइनान्स लघुवित्तको सेयर मुल्य एक हजार १ सय ६६ रुपैयाँ पुगेको छ ।

---

गणपति लघुवित्तको सेयर मुल्य १ सय ६५ रुपैयाँले बढेर एक हजार ८ सय १५ रुपैयाँ पुगेको छ । ८६ रुपैयाँले बढेको आरएसडीसी ९ सय ४६ रुपैयाँ प्रति कित्ता पुगेको छ । त्यस्तै डेप्रोस्कको मुल्य प्रति कित्ता २ हजार २ सय रुपैयाँ पुगेको हो ।