नेपाल बैंकका अध्यक्ष अधिकारीको राजीनामा स्वीकृत

काठमाडौँः अर्थ मन्त्रालयले नेपाल बैंकका अध्यक्ष वासुदेव अधिकारीको राजीनामा स्वीकृत गरेको छ । साधारण सभाले अनुमोदन गरी सकेको लाभांश घटाउन अर्थले निर्देशन दिएपछि अधिकारीले माघ २५ गते राजीनामा बुझाएका थिए । 

गत आर्थिक वर्ष २०७६–७७ को नाफाबाट नेपाल बैंकले १२ प्रतिशत बोनस सेयर ४ प्रतिशत नगद लाभांश गरी कुल १६ प्रतिशत लाभांश दिने भएको थियो । अर्थ मन्त्रालयले बैंक तथा वित्तीय संस्था ऐनको प्रावधान विपरित गएर पारित भएको लाभांश जम्मा १० प्रतिशतमा झार्नु भनेपछि अधिकारीले राजीनामा दिएका थिए।

---

 उनले आफू जिम्मेवारी मुक्त भएकोमा खुसी मिलेको स्ट्याटस फेसबुकमा पोस्ट गरेका छन् । 

 

अधिकारी नेपाल राष्ट्र बैंकका पूर्व कार्यकारी निर्देशक हुन् । उनी २०७५ पुस २५ मा नेपाल बैंकको अध्यक्ष भएका थिए ।