चीनले ६ प्रतिशत आर्थिक वृद्धि हासिल गर्ने लक्ष्य, रक्षामा बजेट बढायो

बेइजिङ : चीनले सन् २०२१ कालागि ६ प्रतिशतभन्दा बढी आर्थिक वृद्धि हासिल गर्ने लक्ष्य राखेको छ । चिनियाँ प्रधानमन्‍त्री लि क्विङले संसद्मा नेसनल पीपल्स कंग्रेस (एनपीसी) मा शुक्रबार यो घोषणा गरेका हुन् ।

चीनले रक्षा बजेटलाई बढाएर २ खर्ब ९ अर्ब अमेरिकी पुर्‍याएको छ । गत आर्थिक वर्षको तुलनामा ६ दशमलव ८ प्रतिशत बढी हो ।

रक्षा बजेट बढाएपछि एनपीसीका प्रवक्ता झाङ यसुईले अन्तर्राष्ट्रीय सञ्‍चारमाध्यमलाई दिएको जानकारी अनुसार राष्ट्रिय सुरक्षालाई मजबूत बनाउनेमा चीनको कोसिस जारी छ । बजेट बढाउनुको उद्देश्यले कुनै देशलाई लक्षित गरेर वा खतरा महसुस गरेर होइन नभएको उनले स्पष्ट पारेका छन् ।

सन् २०२०मा चीनको अर्थव्यवस्था २ दशमलव ३ प्रतिशतले बढेको थियो । जुन ४५ वर्षयताकै कम हो । पछिल्लो वर्ष चीनको अर्थव्यवस्थामा कोरोना भाइरसको प्रभाव पर्‍यो । तर आफूलाई चाडै उकास्‍न चीन सफल बनेको छ । - एजेन्सी

---