नेपाल हाइड्रो डेभलपरले १५ प्रतिशत बोनस सेयर दिने

काठमाडौं : नेपाल हाइड्रो डेभलपर लिमिटेडले आफ्‍ना सेयरधनीहरूलाई १५ प्रतिशत बोनस सेयर बाँड्ने भएको छ । गत बिहीबार बसेको कम्पनी सञ्‍चालक समितिले आर्थिक वर्ष २०७६/०७७ सम्मको साञ्चित मुनाफाबाट हाल कायम चुक्ता पूँजी २६ अर्बको ११ प्रतिशतले हुन आउने बोनस सेयर वितरण गर्ने निर्णय गरेको हो ।

३ करोड ९० लाख रुपैयाँ बराबरको बोनस सेयर तथा ० दशालव ७८९५ प्रतिशतले हुने २० लाख ५२ हजार ६ सय ३२ रुपैयाँ नगद लाभांश (बोनस सेयरको कर प्रयोजनार्थ) बाँड्ने भएको छ । आगामी वार्षिक साधारण सभाबाट स्वीकृत भए पश्चात वितरण गर्ने गरी समितिबाट साधारण सभामा सिफारिश सहित प्रस्ताव पेश गर्ने निर्णय भएको हो । साथै, सञ्चालक समितिको २०७५ पुस ०९ मा बसेको बैठकबाट आर्थिक वर्ष २०७४/०७५ सम्मको सञ्चित मुनाफाबाट शेयरधनीहरुलाई ४ प्रतिशत बौत्तस शेयर वितरण गर्ने निर्णय भएको थियो ।

---

विशेष कारणवश साधारण सभा हुन नसकेको र सोको लागि सेयर दाखिला खारेजी बन्द समेत नभएकाले उक्त ४ प्रतिशत समेत समावेश रहने गरी माथि उल्लेखित आर्थिक वर्षे २०७६/७७ सम्मको सञ्चित मुनाफाबाट उपरोक्त १५ प्रातशत बोनस सेयर प्रस्ताव गरेको कम्पनीले जानकारी दिएको छ ।