चेल्सी बिक्री हुनेमा आशंका उत्पन्न

काठमाडौँ – चेल्सीका मालिक रोमन अब्रामोभिच र ह्वाइटहलबीचको सम्झौताको शर्तहरुमा नयाँ गतिरोध देखिएपछि इंग्लीस फुटबल क्लब चेल्सी ४.२५ बिलियन पाउण्डमा बिक्री हुने कुरामा शंक उत्पन्न भएको छ । 

स्काई न्यूजका अनुसार सरकारी अधिकारीहरूले बिक्रीलाई अनुमोदन गर्न आवश्यक पर्ने विशेष इजाजतपत्र मे महिनाको अन्त्यमा समयसीमा अघि जारी गरिने वा नगरिने भन्ने विषयमा आशंका व्यक्त गरेका छन् ।

---

बेलायती मन्त्रीहरुले चेल्सी बिक्री प्रकृयाको २.५ बिलियन पाउण्ड कहाँ जान्छ भन्ने कुरामा अब्रामोभिचसँग आश्वासन खोजिरहेको बुझिएको छ । 

विभिन्न फुटबल निकायले तोकेको समयमा क्लबको बिक्री सम्झौता नभए चेल्सीले आगामी सिजनको प्रतियोगिताहरुमा सहभागिता जनाउन नपाउने तथा नविकरणमा समेत समस्या उत्पन्न हुनेछ । 

यसअघि टोड बोएहली तथा क्लियर लेक क्यापिटलले चेल्सलाई खरिद गर्ने सम्झौता भएको थियो ।