यू-२० एसियन कप छनोटः नेपाल, बंगलादेश र भुटान एकै समूहमा

काठमाडौँ – एएफसी यू-२० एसियन कप छनोट अन्तर्गत नेपाल समूह 'बी' मा परेको छ । एएफसीले मंगलबार सार्वजनिक गरेको ड्र अनुसार नेपाल समूह 'बी' मा आयोजक बहराइन, कतार, बंगलादेश र भुटान रहेका छन् । ड्र अनुसार दक्षिण एसियाका नेपाल, बंगलादेश र भुटान एकै समूहमा परेका छन् । 

आगामी वर्ष उज्वेकिस्तान हुने यू-२० एसियन कपका लागि छनोट प्रतियोगिताहरु भने सेप्टेम्बर १० देखि १८ तारिखसम्म आयोजना हुनेछन् । 

---

छनोटमा सहभागी ४४ राष्ट्रलाई विभिन्न १० समूहमा विभाजन गरिएको छ । छनोटपछि समूहका विजेता तथा उपविजेता मध्ये उत्कृष्ट ५ टिम मुख्य प्रतियोगिताका लागि छनोट हुनेछन् ।