बायर्न म्युनिख जानेबारे मानेले लिभरपुलसँग कुरा गरेको छैनः क्लोप

काठमाडौँ –  साडियो मानेले इंग्लिस प्रिमियर लिग क्लब लिभरपुल छाड्न लागेको बारेमा क्बलसँग कुरा नगरेको बताइएको छ । मानेले लिभरपुल छाडेर जर्मन बुन्डेस लिगा च्याम्पियन बायर्न म्युनिख जान लागेको चर्चा चलेपछि यसबारे मानेले लिभरपुलसँग कुरा नगरेको स्काइस्पोर्टसले जनाएको छ ।

सेनेगल राष्ट्रिय फुटबल टिमका फरवार्डलाई भित्र्याउन जर्मन क्लबले आफूसँग सम्पर्क गर्नुपर्ने तथा समझौताका लागि ३० मिलियन युरोबारे सोच्नुपर्ने लिभरपुलले अपेक्षा गरेको छ । लिभरपुलसँग मानेको अझै १२ महिनाको सम्झौता बाँकी रहेको छ । 

---

यता म्युनिखले भने मानेलाई २०२५ सम्मका लागि सम्झौता गर्न चाहेको छ । उसले सुरुवातमा ३० मिलियन युरो तथा बोनसका रुपमा ५ देखि १० मिलियन युरो तिर्न चाहेको स्काइस्पोर्टसले उल्लेख गरेको छ । 

गत बुधबार मानेले लामो समयको योजनाबारे विशेष निर्णय लिनेबारे संकेत गरेका थिए । तर लिभरपुलका मुख्य प्रशिक्षक जर्गन क्लोपले भने यसबारे मानेले कुरा नगरेको बताए ।