टोटेनहमले पेरिसिकलाई भित्र्याउँदै

काठमाडौँ – इंग्लिस क्लब टोटेनहमले इन्टर मिलानका विंगर इभान पेरिसिकलाई भित्र्याउने प्रकृया अघि बढाएको छ । टोटेनहमले पेरिसिकलाई दुई वर्षका लागि भित्र्याउन लागेको हो । 

यसका लागि ३३ वर्षीय क्रोयसियन खेलाडी पेरिसिकले सोमबार नै स्वास्थ्य परिक्षण गर्दैछन् । पेरिसिकको इन्टर मिलानसँगको सम्झौता जुनको अन्त्यमा सकिदैछ । 

---

यसअघि पेरिसिकले टोटेनहमका प्रशिक्षक एन्टोनियो कोन्टेको नेतृत्वमा खेलेका थिए । कोन्टेले सन् २०२०-२१ को सिजनमा इन्टर मिलानलाई सिरि ए को उपाधि दिलाएका थिए । 

पेरिसिकले यस सिजनमा इन्टर मिलानका लागि ४९ खेल खेलेका थिए जसमा उनले १० गोल गरे ।