यसवर्षको बालोन डी’ओर बेन्जेमाले पाउनुपर्छः मेसी

काठमाडौँ – सात पटकका बालोन डी’ओर विजेता लियोनल मेसीले यस पटकको बालोन डी’ओर रियल म्याड्रिडका स्ट्राइकर करिम बेन्जेमाले पाउनुपर्ने धारणा राखेका छन् । बेन्जेमाले यस सिजनमा क्लब र देश दुबैका लागि उत्कृष्ट प्रदर्शन गरेको भन्दै उनी बालोन डी’ओरको हकदार रहेको मेसीले बताए । 

रियल म्याड्रिडले यस पटक च्याम्पियन्स लिगको उपाधि जित्दा बेन्जेमाले उत्कृष्ट प्रदर्शन गरेका थिए । रियलले अन्तिम १६ मा मेसीको वर्तमान क्लब पेरिस सेन्ट जर्मेनलाई पराजित गर्दा बेन्जेमाले ह्याट्रिक पुरा गरेका थिए । 

---

क्वार्टरफाइनलमा चेल्सीविरुद्ध बेन्जेमाले ४ तथा सेमिफाइनलमा म्यानचेस्टर सिटीविरुद्ध ३ गोल गरेका थिए । उनी रियलले स्पेनिस लिग जित्दा सर्वाधिक गोलकर्ता थिए । 

उनले समग्रमा क्लबका लागि ४६ खेलमा ४४ गोल गरे ।