प्लानिङ ब्वाइज ‘बी’ डिभिजनमा बढुवा

काठमाडौँ – प्लानिङ ब्वाइज युनाइटेड सहिद स्मारक ‘बी’ डिभिजन फुटबल लिगमा बढुवा भएको छ । शुक्रबार भएको ‘सी’ डिभिजन लिग अन्तर्गत ओसिस क्लबलाई ५-० गोलअन्तरले पराजित गर्दै ‘बी’ डिभिजनमा बढुवा भएको हो । 

यता आरसी ३२ फुटबल एकेडेमी पनि ‘बी’ डिभिजनमा बढुवाको लागि बलियो दावेदार भएपनि स्पोर्टस एकेडेमी साँघासँग गोलरहित बराबरी खेलेपछि उसको यात्रा ‘सी’ डिभिजनमै टुंगिएको हो । 

---

प्लानिङको जितमा फागु राम थारुले ह्याट्रिक पुरा गर्दा अर्जुन कुमार राना र ओम प्रकाश चौधरीले एक-एक गोल गरे । 

प्लानिङले १३ मध्ये ९ खेलमा जित तथा ४ खेलमा बराबरीको नतिजा निकाल्दै लिगमा एकमात्र अपराजित टिम बने । यस अघि झापा फुटबल क्लब ‘बी’ डिभिजनमा बढुवा भइसकेको थियो ।