युनाइटेड पुरानै शैलीमा फर्किने र उपाधि जित्ने रोनाल्डोकाे दाबी

काठमाडौँ – क्रिस्टियानो रोनाल्डोले म्यानचेस्टर युनाइटेडले पुनः उपाधि जित्ने दाबी गरेका छन् । युनाइटेड पुरानो शैलीमा फर्किने बताउँदै फेरि उपाधिकाे हकदार भएकाे उनकाे दाबी छ ।

रोनाल्डाेले क्लबका समर्थकहरुलाई धन्यवाद दिदै युनाइटेड पुरानै अवस्थामा फर्किने र उपाधिहरु जित्ने वाचा गरेका हुन् ।

---

क्लबले यस सिजन उत्कृष्ट प्रदर्शन गर्न नसकेपनि रोनाल्डोले युनाइटेडका लागि २४ गोल गरे । उनले विभिन्न व्यक्तिगत अवार्ड प्राप्त गरे । उनले युनाइटेडका समर्थकहरुले क्लबको हार र जित दुवैमा क्लबलाई समर्थन गर्ने गरेको तथा उनीहरुलाई सम्मान गर्नुपर्ने धारणा राखे । 

पोर्चुगलका लागि १ सय १५ गोल गरेका रोनाल्डाेले गत डिसेम्बरमा आर्सनलविरुद्ध गोल गर्दै खेल जीवनको ८ सय गोल पूरा गरेका थिए । त्यसैगरी मार्चमा टोटेनहमविरुद्ध ह्याट्रिक पूरा गरेपछि फिफाको सर्वाधिक गोलकर्ताको सूचीमा जोसेफ बिकानलाई पछि पारे ।