स्ट्राइकर लाकाजेटेले आर्सनल छाड्ने

काठमाडौँ – फ्रान्सेली स्ट्राइकर अलेक्जान्द्रे लाकाजेटेले इंग्लिस क्लब आर्सनल छाड्ने भएका छन् । उनको सम्झौता जुन ३० मा सकिने र त्यसपछि लाकाजेटेले क्लब छाड्ने आर्सनलले सुनिश्चित गरेको बीबीसीले जनाएको छ । 

३१ वर्षीय लाकाजेटेले सन् २०१७ मा लायन छाडेर आर्सनल आएका थिए र उनी पुनः लायनमै जाने चर्चा चलिरहेको छ । लाकाजेटेले आर्सनलका लागि २ सय ६ खेल खेल्दै ७१ गोल गरे । उनले एफए कप पनि जिताएका थिए । 
 

---