१९ वर्ष चेल्सीको अध्यक्ष भएका बकले दिए राजीनामा

काठमाडौँ – ब्रुस बकले इंग्लिस फुटबल क्लब चेल्सीको अध्यक्ष पदबाट राजीनामा दिएका छन् । क्लबले जनाए अनुसार बक जुन ३० देखि क्लबको अध्यक्ष पद छाड्ने छन् ।  
सन् २००३ मा रोमन अब्रामोभिच क्लबको मालिक बनेदेखि अमेरिकन नागरिक बक अध्यक्ष पदमा रहेका थिए । उनी १९ वर्षसम्म चेल्सीको अध्यक्ष बने । अध्यक्ष पदबाट राजीनामा दिएपनि उनी वरिष्ठ सल्लाहकारको रुपमा भने रहिरहनेछन् । 

चेल्सीका नयाँ मालिक टोड बोहेलीले ७६ वर्षीय बक क्लबको अध्यक्षमा रहिरहने सोच बनाएको बताएका थिए । राजीनामा दिएपछि बकले पद छाड्ने सही समय भएको तथा नयाँ मालिकहरुले क्लबलाई बलियो बनाउन दिनुपर्ने धारणा राखे । 
 

---