बागमतीलाई हराउँदै खुमलटार सेमिफाइनलमा

पोखरा- बागमती युथ क्लबलाई हराउँदै खुमलटार युथ क्लब पोखरामा जारी छैटौं हेमजा गोल्डकप फुटबल प्रतियोगिताको अन्तिम चारमा प्रवेश गरेको छ । खुमलटारले बागमतीलाई २–० गोल अन्तरले हराएको हो ।

पोखरा २५ हेमजा स्थित गौरीशंकर खेल मैदानमा सोमबार भएको खेलमा बागमतीमाथि सानदार जित निकालेको हो । खुमलटारको जितमा दुवै गोल आषिशसोनामले गरे । उनले खेलको दोस्रो र २८ औं मिनेटमा गोल गरेका हुन् । उनी खेलको म्यान अफ दी म्याच चुनिँदै नगद ५ हजार रूपैयाँ प्राप्त गरे । खुमलटारले सेमिफाइनलमा आयोजक हेमजायूनाइटेडसँग खेल्नेछ ।

---

मंगलबार प्रतियोगिताको अन्तिम क्वार्टरफाइनल खेलमा विभागीय टिम सशस्त्र प्रहरी बलको एपिएफ क्लब र क्यामरुनको एभेनियर क्लबबीच हुनेछ । यो खेलको विजेताले चर्च ब्वाइजसँग सेमिफानलमा खेल्नेछ । 

असार ११ गते सञ्‍चालन हुने प्रतियोगिताको विजेताले ६ लाख रूपैयाँ प्राप्त गर्नेछ भने उपविजेताले ३ लाख रूपैयाँ पाउँनेछन् ।