थाइल्यान्ड भ्रमणमा युनाइटेडसँग रोनाल्डो नहुने

काठमाडौँ – प्रि-सिजन टुरका लागि थाइल्यान्ड जान लागेको इंग्लिस फुटबल क्लब म्यानचेस्टर युनाइटेडका स्ट्राइकर क्रिस्टियानो रोनाल्डो भने टिममा नरहने भएका छन् ।

युनाइटेड शुक्रबार थाइल्यान्ड प्रस्थान गर्दैछ र रोनाल्डोलाई पारिवारिक कारण विदा दिइएको छ । युनाइटेडले रोनाल्डो टिमकै एक सदस्य भएको तथा उनलाई बेच्ने कुनै इच्छा नरहेको जनाएको छ ।

---

तर युनाइडेटले अष्ट्रेलिया भ्रमणका क्रममा रोनाल्डो टिममा रहने वा नरहनेबारे बताउन सकेको छैन । जसका कारण युनाइटेडमा रोनाल्डोको भविष्य अनिश्चित रहेको आशंका गरिएको छ । मंगलबार युनाइटेडले थाइल्यान्डमा लिभरपुलविरुद्ध खेलेर अष्ट्रेलियाको भ्रमण गर्नेछ ।

३७ वर्षीय पोर्चुगिज फरवार्ड रोनाल्डाले राम्रो प्रस्थाव आए प्रिमियर लिग क्लब युनाइटेड छाड्ने मनसायमा रहेका छन् ।