साफः पाकिस्तानको महिला टिमले ८ वर्षपछि अन्तर्राष्ट्रिय फुटबल खेल्ने

काठमाडौँ – फिफाको प्रतिवन्धबाट फुकुवा भएको पाकिस्तान फुटबल फेडेरेसन (पीएफएफ)ले नेपालमा हुने साफ महिला च्याम्पियनसीपमा सहभागिता जनाउने भएको छ । नेपालले अगस्ट २९ देखि सेप्टेम्बर १० सम्म च्याम्पियनसीप आयोजना गर्दैछ ।

पीएफएफले च्याम्पियनसीपमा सहभागिता जनाउने सामाजिक सञ्जाल फेसबुकमार्फत जानकारी गराएको छ । यसको अर्थ साफको सातवटै टिमले च्याम्पियनसीपमा सहभागिता जनाउने भएको हो ।

---

पाकिस्तानको महिला टिमले ८ वर्षपछि कुनै पनि अन्तर्राष्ट्रिय प्रतियोगितामा सहभागिता जनाउन लागेको हो ।

पीएफएफले महिला र पुरुष टिमलाई आगामी दिनमा सकेसम्म धेरै भन्दा धेरै प्रतियोगितामा सहभागी गराउने जनाएको छ ।