सिटीका विंगर रहिम चेल्सी जाने

काठमाडौँ – इंग्लिस प्रिमियर लिग क्लब चेल्सीले म्यानचेस्टर सिटीका विंगर तथा मिडफिल्डर रहिम स्टरलिङलाई भित्र्याउने भएको छ । यसका लागि चेल्सी र सिटीबीच ५० मिलियन पाउन्डमा सम्झौता भएको बीबीसीले उल्लेख गरेको छ । 

रहिम पाँच वर्षका लागि चेल्सी आउन लागेका हुन् । २७ वर्षीय इंग्ल्यान्डका विंगर रहिम र सिटीबीच अझै एक वर्षको सम्झौता बाँकी रहेको छ । चेल्सीले प्रि-सिजनका लागि अमेरिकाको भ्रमण गर्नुअघि नै सम्झौताको टुंगो लाग्ने अपेक्षा गरिएको छ । 

---

सिटीले सन् २०१५ मा रहिमलाई लिभरपुलबाट ४९ मिलियन पाउन्डमा भित्र्याएका थिए । उनले सिटीका लागि ३ सय ३९ खेल खेल्दै १ सय ३१ गोल गरेका छन् ।

रहिमले इंगल्यान्डका लागि ७७ खेल खेलेका छन् ।