म्यानचेस्टर युनाइटेडलाई थाइल्यान्डमा भव्य स्वागत

काठमाडौँ – थाइल्यान्ड पुगेको इंग्लिस फुटबल क्लब म्यानचेस्टर युनाइटेडको टिमलाई समर्थकहरुले भव्य स्वागत गरेका छन् । बैंककस्थित एयरपोर्टमा पुगेका टिमका सदस्यहरुलाई समर्थकहरुले भव्य स्वागत गरेको रोयटर्सले जनाएको छ । 

पोर्चुगिज स्टार क्रिस्टियानो रोनाल्डो टिममा नभएका कारण निराश भएका समर्थकहरुले भने प्रशिक्षक एरिक टेन हाग, मिडफिल्डर ब्रुनो फर्नान्डेज, गोलरक्षक डेभिड डी जिया तथा फरवार्ड मार्कस रासफोर्डको आगमनसँगै खुसी भएका थिए ।  

---

युनाइटेडले थाइल्यान्डमा मंगलबार अर्को इंग्लिस प्रिमियर लिग क्लब लिभरपुलसँग मैत्रीपूर्ण खेल खेल्दैछ । 

लिभरपुल भने आइतबार थाइल्यान्ड पुग्ने तालिका रहेको छ । 

थाइल्यान्डपछि युनाइटेड अष्ट्रेलिया तथा लिभरपुल भने सिंगापुर पुग्नेछ ।