थाइल्यान्डमा लिभरपुलको भव्य स्वागत

काठमाडौँ – थाइल्यान्ड पुगेको लिभरपुल फुटबल टिमलाई समर्थकहरुले भव्य स्वागत गरेका छन् । इंग्लिस प्रिमियर लिग प्रतिद्वन्द्वी म्यानचेस्टर युनाइटेडसँगको मैत्रीपूर्ण खेलका लागि लिभरपुल आइतबार थाइल्यान्ड पुगेको हो ।

लिभरपुल र युनाइटेडबीचको मैत्रीपूर्ण खेल मंगलबार हुँदैछ । प्रि-सिजन टुरका लागि लिभरपुल र युनाइटेड थाइल्यान्ड पुगेको रोयटर्सले जनाएको छ ।

---

उक्त खेलका लागि टिकटको मूल्य २५ हजार भाट अर्थात ७ सय अमेरिकी डलर तोकिएको छ तर कतिपय प्रायोजकहरुले निशुल्क टिकट वितरण समेत गरेका छन् ।

मैत्रीपूर्ण फुटबलपछि लिभरपुल सिंगापुर तथा युनाइटेड अष्ट्रेलिया प्रस्थान गर्ने तालिका रहेको छ ।