म्यानचेस्टरका मिडफिल्डर पेरेइरा फुलह्याममा अनुबन्धित

काठमाडौँ – इंग्लिस क्लब फुलह्यामले म्यानचेस्टर युनाइटेडका मिडफिल्डलर एन्ड्रियास पेरेइरालाई भित्र्याएको छ । एएफपीले जनाए अनुसार फुलह्यामले ब्राजिलियन मिडफिल्डर पेरेइरालाई ११.९ मिलियन अमेरिकी डलरमा भित्र्याएको हो ।

नयाँ सिजनका लागि इंग्लिस प्रिमियर लिगमा बढुवा भएको फुलह्यामले पेरेइरालाई ४ वर्षका लागि क्लबमा भित्र्याएको हो ।

---

२६ वर्षीय पेरेइरा सन् २०११ मा पिएसभी इन्डहोभेनबाट युनाइटेडको युवा टिममा आएर सिनियर टिममा प्रवेश गरेका थिए । उनले युनाइटेडका लागि ७५ खेल खेल्दै ४ गोल गरे । युनाइटेडले उनलाई ग्रानाडा, भ्यालेन्सिया, लाजियो तथा फ्लामेङगोलाई लोनमा समेत पठाएको थियो ।

पेरेइराले नियमित खेल्न पाउने अपेक्षा सहित फुलह्याम जान लागेको प्रतिक्रिया दिएका छन् ।