विश्वकप नजिकै आउँदा इरानका मुख्य प्रशिक्षक बर्खास्त

काठमाडौँ – इरानको पुरुष फुटबल टिमका मुख्य प्रशिक्षक ड्रागन स्कोसिस बर्खास्त भएका छन् । कतारमा हुने विश्वकप आउन पाँच महिना बाँकी रहँदा इरानले क्रोयसियाका ड्रागनलाई मुख्य प्रशिक्षकबाट बर्खास्त गरेको इरानी सञ्चारमाध्यमले जनाएको छ । 

पछिल्लो समय दक्षिण कोरियासँग दुई खेल तथा अल्जेरियासँग मैत्रीपूर्ण खेलमा पराजय भोगेपछि उनीमाथि दवाव बढेको थियो । 

---

ड्रागन सन् २०२० को फेब्रुअरीमा इरानले मुख्य प्रशिक्षक नियुक्त गरेको थियो । उनले इरानलाई कतारमा नोभेम्बर २१ देखि डिसेम्बर १८ सम्म हुने विश्वकपमा पुर्‍याएका थिए ।