नेपालमा हुने साफ महिला च्याम्पियनसीपको मिति परिवर्तन

काठमाडौँ – नेपालले आयोजना गर्ने भनेको साफ महिला फुटबल च्याम्पियनसीपको मिति परिवर्तन भएको छ । अखिल नेपाल फुटबल संघ (एन्फा) ले आगामी अगस्ट २९ देखि सेप्टेम्बर १० सम्म च्याम्पियनसीप आयोजना गर्ने मिति तय भएको थियो ।

तर दक्षिण एसियाली फुटबल फेडेरेसन (साफ) ले च्याम्पियनसीपको मिति परिवर्तन गरेको छ । एन्फाका वरिष्ठ उपाध्यक्ष विरबहादुर खड्काले च्याम्पियनसीपको मिति परिवर्तन भएको इकागजलाई बताए ।

---

उनले अब च्याम्पियनसीप सेप्टेम्बर ६ देखि १९ तारिखसम्म नेपालमा हुने जानकारी गराए । बंगलादेशको राजधानी ढाकामा भएको साफ कंग्रेसले महिला साफ च्याम्पियनसीप नेपालमा आयोजना गर्ने निर्णय गरेको थियो ।