सिटीका मिडफिल्डर जिनचेन्को आर्सनलमा

काठमाडौँ – इंग्लिस प्रिमियर लिग क्लब आर्सनलले म्यानचेस्टर सिटीका मिडफिल्डर ‌ओलेकजान्डर जिनचेन्कोलाई भित्र्याउने भएको छ । आर्सनलले जिनचेन्कोलाई ३० मिलियन पाउण्डमा भित्र्याउने सम्झौता गरेको हो ।

युक्रेनका २५ वर्षीय मिडफिल्डर अहिले प्रि-सिजन टुरका लागि अमिरकामा रहेका छन् । उनी सन् २०१६ मा सिटी आएका थिए । जिनचेन्कोले सिटीलाई चारवटा लिग, एउटा एफए कप तथा चारवटा लिग कपको उपाधि दिलाउन महत्वपूर्ण भूमिका निर्वाह गरेका छन् ।

---

उनले सिटीका लागि १ सय २८ खेल खेलेका छन् ।