सिटीका जिनचेन्को आर्सनलमा

काठमाडौँ – आर्सनलले म्यानचेस्टर सिटीका युक्रेनी खेलाडी ओलेकजान्डर जिनचेन्कोलाई भित्र्याएको छ । आर्सनलले २५ वर्षीय डिफेन्डर जिनचेन्कोलाई ३० मिलियन पाउन्डमा भित्र्याएको बीबीसीले जनाएको छ । त्यसमा २ मिलियन पाउन्ड थप गरिने बताइएको छ ।

सम्झौता हस्ताक्षर गर्न जिनचेन्को सिटीको प्रि-सिजन अमेरिका भ्रमणबीचमै टुंग्याएका हुन् । उनले आर्सनलसँग लामो अवधिको सम्झौता गरेका छन् । जिनचेन्कोले बाल्यकालको सपना पुरा भएको प्रतिक्रिया दिए ।

---

तर मिडफिल्डर समेत रहेका जिनचेन्कोले गत सिजनको प्रिमियर लिग सिटीले जित्दा केवल १५ खेल खेलेका थिए । यस सिजनमा सिटीबाट आर्सनल जाने जिनचेन्को दोस्रो खेलाडी हुन् । यसअघि आर्सनलले ब्राजिलियन स्ट्राइकर गाब्रियल जेससलाई ४५ मिलियन पाउन्डमा भित्र्याएको थियो ।