युनाइटेडसँग सम्झौता नवीकरण गर्न तयार छुः गोलरक्षक डेभिड

काठमाडौँ – गोलरक्षक डेभिड डी जियाले म्यानचेस्टर युनाइटेडमै रहने तथा क्लबलाई उपाधि दिलाउने चाहना रहेको बताएका छन् । २०२३ को जुन महिनामा डेभिडको युनाइटेडसँगको सम्झौता अन्त्य हुने रोयटर्सले जनाएको छ । 

तर डेभिडले आफू युनाइटेडमै बस्न चाहेको बताएका छन् । डेभिड सन् २०११ मा स्पेनिस क्लब एटलेटिको म्याड्रिडबाट युनाइटेड आएका थिए । स्पेनिस खेलाडी डेभिडले आफू युनाटेडसँग थप सम्झौता गर्न खुल्ला रहेको बताए । 

---

उनले युनाइटेड छाड्नुअघि क्लबका लागि उपाधि जित्ने अपेक्षा रहेको जनाए । तर उनले युनाइटेडसँग नयाँ सम्झौताका लागि छलफल गर्न बाँकी रहेको बताए । 

गत सिजन युनाइडेटका लागि एकदमै खराब रह्यो इंग्लिस प्रिमियर लिगमा छैटौं भएपछि च्याम्पियन्स लिगमा समेत छनोट हुन असमर्थ रह्यो । यसका साथै अन्य कुनै उपाधि समेत जित्न सकेन ।