साफ यू-२० च्याम्पियनसिप : नेपालले आज श्रीलंकासँग प्रतिस्पर्धा गर्दै

काठमाडौँ - साफ यू-२० च्याम्पियनसिप पुरुष फुटबलअन्तर्गत नेपालले आज दोस्रो खेलमा श्रीलंकासँग प्रतिस्पर्धा गर्दैछ । भुवनेश्वरस्थित कालिंगा स्टेडियममा हुने खेल साँझ सवा ७ बजे सुरु हुनेछ ।

सोमबार भएको उद्घाटन खेलमा नेपालले माल्दिभ्सलाई ४-० गोल अन्तरले हराएको थियो । नेपाल आज उच्च मनोबलका साथ श्रीलंकालाई हराएर लगातार दोस्रो जित निकाल्न चाहन्छ । श्रीलंका भने पहिलो जितको खोजीमा हुनेछ । पहिलो खेलमा श्रीलंकालाई बंगलादेशले १-० गोल अन्तरले हराएको थियो ।

---

च्याम्पियनसिपमा आयोजक भारत र नेपालसँगै माल्दिभ्स, श्रीलंका र बंगलादेशको सहभागिता रहेको छ ।

नेपालले श्रीलंकापछि तेस्रो खेलमा भारतसँग आगामी आइतबार र अन्तिम खेल बंगलादेशसँग आगामी मंगलबार प्रतिस्पर्धा गर्नेछ ।