मैत्रीपूर्ण खेलमा रियल म्याड्रिड विजयी

काठमाडौँ- स्पेनिस क्लब रियल म्याड्रिडले प्रि-सिजन टुर अन्तर्गत इटालियन क्लब युभेन्टसलाई पराजित गरेको छ । अमेरिकाको क्यालिफोर्नियास्थित रोज बाउलमा आइतबार भएको खेलमा म्याड्रिडले युभेन्टसलाई २-० ले पराजित गरेको हो ।

म्याड्रिडको जितमा करिम बेन्जेमा र मार्को असेन्सियोले एक-एक गोल गरे । बेन्जेमाले १९ औँ मिनेटमा पेनाल्टीमार्फत गोल गर्दै म्याड्रिडले अग्रता दिलाएका थिए ।

---

असेन्सियोले ६९ औँ मिनेटमा गरेको गोलसँगै म्याड्रिडले २-० को जित दर्ता गरेको हो ।

युरोपको विभिन्न देशको लिग सुरु हुनु भन्दा अघि क्बलहरु प्रि-सिजन टुर अन्तर्गत मैत्रीपूर्ण खेलहरु खेलिरहेका छन् ।