साफ च्याम्पियनसीपः च्यासल र आर्मीको मैदान प्रयोग हुने

काठमाडौँ– नेपालमा आयोजना हुने साफ महिला च्याम्पियनसीपको लागि च्यासल मैदान र नेपाली सेनाको मैदान प्रयोग हुने भएको छ । आयोजक अखिल नेपाल फुटबल संघ (एन्फा) ले च्यासल र आर्मीको मैदानलाई अभ्यासका लागि प्रयोग गर्ने जनाएको छ । 

एन्फाले सेप्टेम्बर ६ देखि १९ तारिखसम्म च्याम्पियनसीप आयोजना गर्दैछ । च्याम्पियनसीपमा आयोजक नेपालसँगै श्रीलंका, भुटान, भारत, बंगलादेश, माल्दिभ्स र पाकिस्तानको सहभागिता रहनेछ । 

---

च्याम्पियनसीप अन्तर्गत नेपाल समूह ‘बी’ मा रहेको छ । समूह ‘बी’ मा आयोजक नेपालसँगै श्रीलंका र भुटान रहेका छन् । त्यसैगरी, समूह ‘ए’ अन्तर्गत भारत, बंगलादेश, माल्दिभ्स र पाकिस्तान रहेका छन् । 

च्याम्पियनसीपका लागि नेपाली महिला राष्ट्रिय टिमका मुख्य प्रशिक्षक कुमार थापाले ५८ खेलाडीलाई बन्द प्रशिक्षणमा राखेका छन् ।