चेल्सीले युवा मिडफिल्डर कार्ने भित्र्याउँदै

काठमाडौँ- इंग्लिस प्रिमियर लिग क्लब चेल्सीले एस्टन भिल्लाका युवा मिडफिल्डर कार्ने चुकवेमेकालाई भित्र्याउने सम्झौता गरेको छ । चेल्सीले कार्नेलाई २० मिलियन पाउन्डमा भित्र्याउने सम्झौता गरेको बीबीसीले जनाएको छ ।

नयाँ सम्झौता गर्न अस्विकार गरेपछि भिल्लाले १८ वर्षीय कार्नेलाई प्रि-सिजन टूर अन्तर्गत अष्ट्रेलिया भ्रमणका लागि टिममा समावेश गरेको थिएन । उनको सम्झौता अर्को वर्ष अन्त्य हुँदैछ ।  

---

यू-१९ युरोपियन च्याम्पियनसीपमा इंग्ल्यान्डका लागि खेलेका कार्नेले गत सिजनको प्रिमियर लिगमा भिल्लाका लागि १२ खेल खेलेका थिए ।

स्पेनिस क्लब बार्सिलोना, इटालियन क्लब एसी मिलान तथा जर्मन क्लब बोरुसिया डर्टमन्डले समेत कार्नेलाई भित्र्याउने पहल गरेका थिए ।