रियलका स्ट्राइकर बेन्जेमा भन्छन्: रोनाल्डो गएपछि धेरै गोल गरेँ

काठमाडौँ- रियल मड्रिडका स्ट्राइकर करिम बेन्जेमाले पोर्चुगिज स्टार फुटबल क्रिस्टियानो रोनाल्डोले क्लब छाडेपछि बढी गोल गरेको बताएका छन् ।

सुपर कपमा स्पेनिस ला लिगा क्लब रियलको कप्तानी गरेका ३४ वर्षीय फ्रान्सेली स्ट्राइकर बेन्जेमाले रोनाल्डोले आफूलाई मैदान भित्र र मैदान बाहिर धेरै कुरा सिकाएको बताए । तर रोनाल्डोले रियल छाडेपछि आफूले धेरै गोल गरेको बेन्जेमाले बताएको बीबीसीले जनाएको छ ।

---

बुधबार राति भएको सुपर कपमा एन्ट्राच फ्रान्कफर्टलाई २-० गोलअन्तरले पराजित गर्दै रियलले सुपर कपको उपाधि जितेको थियो जसमा बेन्जेमाले एक गोल गरे ।

यससँगै बेन्जेमाले युरोपिनय च्याम्पयन रियलका लागि ३ सय २४ गोल पुरा गरेका छन् । उनी रियलका लागि सर्वाधिक गोल गर्ने खेलाडीको सूचीको दोस्रो स्थानमा छन् । शीर्ष स्थानमा रहेका रोनाल्डोले ४ सय ५० गोल गरेका छन् ।

बेन्जेमाले गएको सिजनमा ४६ खेलमा रियलका लागि ४४ गोल गरेका थिए ।