बंगलादेशसँगको खेलका लागि युगल र विनोद प्रशिक्षक नियुक्त

काठमाडौँ- बंगलादेशविरुद्ध हुने मैत्रीपूर्ण फुटबल खेलका लागि युगल किशोर राई नेपाली राष्ट्रिय फुटबल टिमका सहायक प्रशिक्षक नियुक्त भएका छन् ।

नेपाल र बंगलादेशबीचको मैत्रीपूर्ण खेल असोज ११ गते त्रिपुरेश्वरस्थित दशरथ रंगशालामा हुने तालिका रहेको छ ।

---

उक्त खेलका लागि अखिल नेपाल फुटबल संघ (एन्फा) ले राईलाई सहायक प्रशिक्षक नियुक्त गरिएको जनाएको हो । यता एन्फाले विनोद डंगोललाई गोलरक्षक प्रशिक्षकमा नियुक्त गरेको छ ।

गत सिजनको सहिद स्मारक ‘ए’ डिभिजन लिगमा राई हिमालयन शेर्पा क्लबका प्रशिक्षक तथा डंगोल मनाङ मर्स्याङ्दी क्लबको गोलरक्षक प्रशिक्षक थिए ।

प्रदिप हुमागाइँ टिमका मुख्य प्रशिक्षक हुन् र उनले बन्द प्रशिक्षणका लागि ४० खेलाडी समेत बोलाएका छन् ।