म्यानचेस्टर सिटीले भित्र्यायो २१ वर्षीय डिफेन्डर

काठमाडौँ- इंग्लिस प्रिमियर लिग क्लब म्यानचेस्टर सिटीले स्पेनिस डिफेन्डर सर्जियो गोमेजलाई भित्र्याएको छ । सर्जियोलाई बेल्जियमको एन्डरलेक क्लबबाट सिटीले भित्र्याएको बीबीसीले जनाएको छ ।

स्पेनिस यू-२१ टिमका डिफेन्डर २१ वर्षीय सर्जियोलाई सिटीले चार वर्षका लागि १३ मिलियन युरोमा भित्र्याएको हो । बार्सिलोनाको एकेडेमीबाट आएका सर्जियोले सिटीका पूर्व कप्तान भिन्सेन्ट कोम्पनीसँग बेल्जियमको क्लबमा खेलेका थिए ।

---

सर्जियोले सिटीमा आवद्ध हुने सपना पुरा भएको तथा सिटीबाट खेल्ने युवा खेलाडीहरुका चाहना हुने गरेको प्रतिक्रिया दिए ।