टोटेनहमले भित्र्यायो इटालियन डिफेन्डर डेस्टिनी

काठमाडौँ- इंग्लिस प्रिमियर लिग क्लब टोटेनहमले इटालियन डिफेन्डर डेस्टिनी उडोगीलाई भित्र्याएको छ । टोटेनहमले डेस्टिनीलाई १५ मिलियन पाउन्डमा पाँच वर्षका लागि भित्र्याएको बीबीसीले जनाएको छ ।

इटालीको यू-२१ टिमका १९ वर्षीय डेस्टिनीले केही समय अघिमात्र इटालियन क्लब युडिनेससँग स्थायी रुपमा बस्ने गरी सम्झौता गरेका थिए । तर उनलाई जारी सिजनका लागि पुनः लोनमा युडिनेस नै पठाइने भएको छ ।

---

गत सिजन युडिनेसका लागि इटालियन सिरि ए मा ३५ खेल खेल्दै ५ गोल गर्नुका साथै चार गोलका लागि पास दिएका थिए ।

युडिनेसले गत वर्ष जुलाई २१ मा डेस्टिनीलाई हेलास भेरोनाबाट लोनमा भित्र्याएका थिए तर समरमा उनलाई खरिद गरेको बीबीसीले जनाएको छ ।