टोटेनहमका स्ट्राइकर केनका कीर्तिमान

काठमाडौँ- इंग्लिस प्रिमियर लिगअन्तर्गत शनिबार राति टोटेनहमले उल्भ्सलाई १-० पराजित गर्दा ह्यारी केनले टोटेनहमका लागि २ सय ५० गोल पुरा गरेका छन् ।

यससँगै २९ वर्षीय केन इंग्लिस प्रिमियर लिगमा सर्वाधिक गोल गर्ने खेलाडीको चौथों स्थानमा उक्लिएका छन् । उनले लिगमा १ सय ८५ गोल पुरा गरेका छन् । लिगमा एलन सियरेरले सर्वाधिक २ सय ६०, वायन रुनीले २ सय ८ तथा एन्ड्रयू कोलले १ सय ८७ गोल पुरा गरेका छन् ।

---

तेस्रो स्थानमा रहेको म्यानचेस्टर युनाइटेडका पूर्व स्ट्राइकर कोललाई पछि पार्न केन केवल २ गोलले मात्र पछि छन् । 

त्यतिमात्र नभएर इंग्ल्यान्ड राष्ट्रिय टिमका स्ट्राइकर केन एउटै क्लबका लागि लिगमा सर्वाधिक गोलकर्ता समेत बनेका छन् । केनले १ सय ८५ गोल गर्दा अर्जेन्टिनाका स्ट्राइकर सर्जियो अगुइरोले म्यानचेस्टर सिटीका लागि १ सय ८४ गोल गरेका थिए । 

अर्कोतर्फ उल्भ्सविरुद्ध केनले गरेको गोल टोटेनहमका लागि एक हजार गोल समेत हो ।