चेल्सीद्वारा समर्थकमाथि अनिश्चितकालिन प्रतिबन्ध

काठमाडौँ- इंग्लिस क्लब टोटेनहमका फरवार्ड सन हेउग-मिनलाई जातीय दुर्व्यवहार गरेको भन्दै चेल्सीले आफ्ना एक समर्थकमाथि अनिश्चितकालका लागि प्रतिबन्ध लगाएको छ । चेल्सीले यस सिजनकै टिकट खरिद गरेका समर्थकमाथि प्रतिबन्ध लगाएको बीबीसीले जनाएको छ । 

लिग अन्तर्गत अगस्ट १४ मा चेल्सी र टोटेनहमबीच २-२ गोलको बराबरीमा टुंगिएको खेलका क्रममा चेल्सीका एक समर्थकले सनलाई जातीय दुर्व्यवहार गरेका थिए । 

---

चेल्सीले खेलपछि एक विज्ञप्ति जारी गर्दै क्लबले कुनै पनि प्रकारको भेदभावपूर्ण व्यवहार स्वीकार नगर्ने जनाएको छ ।