फुलह्याममाथि क्राउली टाउनको सनसनीपूर्ण जित

काठमाडौँ- चौथों डिभिजनको क्राउली टाउनले इंग्लिस प्रिमियर लिग क्लब फुलह्याममाथ सनसनीपूर्ण जित हात पारेको छ । कारवाओ कपअन्तर्गत चौंथो डिभिजन अर्थात लिग टूमा संघर्ष गरिरहेको क्राउलीले प्रिमियर लिगमा बढुवा भएको फुलह्यामलाई २-० ले पराजित गरेको हो ।

ब्रोडफिल्ड स्टेडियममा मंगलबार राति भएको खेलमा टम निकोल्स तथा जेम्स बलागिजीको एक-एक गोलको मदतमा क्राउलीले जित हात पारेको हो ।

---

क्राउलीका मुख्य प्रशिक्षक केभिन बेट्सीले फुलह्याममाथिको जित अविश्वसनीय रहेको प्रतिक्रिया दिएको बीबीसीले जनाएको छ ।

गत सिजनको दोस्रो डिभिजनको च्याम्पियनसीप जितेर प्रिमियर लिगमा बढुवा भएको फुलह्यामले लिग अन्तर्गत ब्रेन्टफोर्डलाई ३-२ ले पराजित गर्दै क्राउलीविरुद्ध खेल्न आएको थियो ।

तर निकोल्सले १६ औँ मिनेटमा गोल गर्दै क्राउलीलाई फुलह्यामविरुद्ध अग्रता दिलाए । बालागिजीले ४९ औँ मिनेटमा गरेको गोलसँगै क्राउलीले फुलह्यामले दोस्रो चरणको खेलमा जित हात पार्‍यो ।