वेस्ट ह्यामले भित्र्यायो इटालियन डिफेन्डर

काठमाडौँ- इंग्लिस क्लब वेस्ट ह्यामले चेल्सीका इटालियन डिफेन्डर इमर्सन पाल्मियरीलाई भित्र्याएको छ । इंग्लिस प्रिमियर लिग क्लब वेस्ट ह्यामले इमर्सनलाई चार वर्षका लागि १५ मिलियन पाउन्डमा भित्र्याएको एएफपीले जनाएको छ ।

२८ वर्षीय वेस्ट ह्याम ब्राजिलमा जन्मिएपनि सन् २०१४ मा इटाली गएका थिए र उनले त्यहाँको नागरिकता प्राप्त गरे । इमर्सनले चेल्समा पाँच वर्ष विताएपनि संघर्ष गर्नुपरेको थियो । इमर्सनले गत सिजन लोनमा लायनबाट खेलेका थिए ।

---

इमर्सनले इटालीका लागि २७ खेल खेलका छन् । उनले वेम्वलीमा भएको युरो २०२० को फाइनलमा इंग्ल्यान्डलाई पराजित गर्दा इटालीका लागि खेलेका थिए ।

लिगमा वेस्ट ह्यामले लगातार तीन खेलमा पराजित हुँदै तालिकाको पुछारमा रहेको छ ।