यू-२० एसियन कप छनोटः प्रारम्भिक टोली घोषणा

काठमाडौँ- मुख्य प्रशिक्षक मेघराज केसीले एएफसी यू-२० एसियन कप छनोटका लागि २५ सदस्यीय प्रारम्भिक टोली घोषणा गरेका छन् ।  नेपाली यू-२० फुटबल टिमले बहराइनमा सेप्टेम्बर १० देखि १८ तारिखसम्म हुने छनोट खेल्ने तालिका रहेको छ । 

मुख्य प्रशिक्षक केसीले बुधबार प्रारम्भिक टोलीको घोषणा गरेको अखिल नेपाल फुटबल संघ (एन्फा) ले जनाएको हो । नेपाली टिमको प्रशिक्षण एन्फा कम्पलेक्स, सातदोबाटोमा भइरहेको छ । 

---

छनोट अन्तर्गत नेपालले पहिलो खेल भुटानसँग सेप्टेम्बर १०, दोस्रो खेल कतारविरुद्ध सेप्टेम्बर १२, तेस्रो खेल बहराइनसँग सेप्टेम्बर १४ तथा अन्तिम खेल बंगलादेशविरुद्ध सेप्टेम्बर १८ मा खेल्ने तालिका रहेको छ । 

प्रारम्भिक टोलीः
गोलरक्षक : ईश्वर गुरुङ, उनेश चौधरी, जियारत शेख, टोप बहादुर राना

डिफेन्डर : अमर श्रेष्ठ, अजय चौधरी, सुमित श्रेष्ठ, सृजन धानी, अभिषेक वाइबा, जान ताम्ली, शेखर खवास, श्यान्सु भुषाल, राज ठोकर

मिडफिल्डर : दिपेश गुरुङ, आशिष राई, सन्दीप कार्की, जन्मजय धामी, कृतिश रत्न छुञ्जु, सुगम सुवाल, मनज्ञ नकर्मी, आयुष घलान, राकेश विश्वकर्मा, सञ्जीव लामा

फरवार्ड : निरञ्जन मल्ल, रोहन खड्गी